100 ons Bever – Scuol-Tarasp: festa da giubileum 29./30.06.2013

Dal 2013 festagescha la Viafier retica l'existenza da 100 ons dal traget Bever – Scuol-Tarasp e cun ella fa festa tuot l'Engiadina. Üna misculanzavariada da cultura, lingua e tecnica fa ün eviva al traget da 100 ons, perquai cha in gün dal 1913 ha cumanzà la «revoluziun electrica» da la Viafier retica (VR).

La Viafier retica e partenaris invidan indigens e giasts ad üna festa da giubileum (29./30.06.2013). Sün las quatter plazzas da festa a Bever, Zuoz, Lavin e Scuol pon pitschen e grond profitar da diversas attracziuns.

Ün cordial grazcha fich als cumüns da Bever, La Punt Chamues-ch, Zuoz, Zernez, Susch, Lavin, Guarda, Ardez, Ftan, Tarasp, Sent, Valsot e Scuol per lur contribuziuns ad üna festa da giubileum plain success!

Sponsuors & Partenaris da medias

Plazza da festa	Puncts culminants	Palc da concert rodlant
Bever	Sanda & Dumengia: Exposiziun «100 ans electrificaziun da la VR» Sanda 21.50: 100 ans «suot» forza electrica. Granda parada da giubileum cun locomotivas electricas da tuot las epocas	Sanda 16.10 – 16.40: The Vintage Big Band Dumengia 10.10 – 10.40: Ils Fränzlis da Tschlin
Zuoz	Sanda & Dumengia: Simulatur da locomotiva i’l nouv tren ad autotracziun «ALLEGRA» Dumengia: Battaisem dal nouv tren ad autotracziun da la rait da basa	Sanda 14.30 – 15.00: The Vintage Big Band Dumengia 11.30 – 12.00: Ils Fränzlis da Tschlin
Lavin	Sonda & Dumengia: Film da giubileum: 100 ons VR Bever – Scuol-Tarasp (RTR) Sonda: Concert cun interprets indigens / bands indigenas	Sonda 12.30 – 13.00: The Vintage Big Band Dumengia 14.00 – 14.30: Ils Fränzlis da Tschlin
Scuol	Sonda & Dumengia: Exposiziun da giubileum 100 ons Bever – Scuol-Tarasp cun «camera obscura» Sonda 14.00: Parada da tschientiner sco pro l’avertüra dal 1913. Ruta: Clozza – Vi – Plazzetta – Trü – Staziun	Sonda 11.30 – 12.00: The Vintage Big Band Dumengia 15.30 – 16.00: Ils Fränzlis da Tschlin

Program da festa (Download)		Bigliets e viadi
		«Simpel per ir e tuornar» al traget da giubileum Cull'acziun «simpel per ir e tuornar» spordschan la Viafier retica (VR), l'AutoDaPosta Grischun ed il Bus Engiadina ün'idea attractiva pel viadi al traget da giubileum. La spüerta vala per viadis a l'intern dal chantun Grischun. Uffants culla carta da juniors/abiadis viagian perfin gratuitamaing in cumpagnia da mamma, bap, nona o bazegner! Ch'Ella, ch'El cumpra ün bigliet pel viadi al cumün da festa giavüschà (Bever, Zuoz, Lavin o Scuol). Il retuorn dürant ils dis da festa es gratuit. L'unica cundiziun: il bigliet sto gnir buollà ad ün dals posts d'infuormaziun da la Viafier retica süllas plazzas da festa. Bigliet da giubileum da la VR Il bigliet da giubileum da la VR (carta dal di, 2. classa) autorisescha tants viadis sül traget da giubileum sco ch'Ella, ch'El voul. Tuot ils trens normals e specials pon gnir ütilisats. Il bigliet da giubileum es da surgnir sül traget da giubileum a las staziuns in funcziun da la VR ed als posts d'infuormaziun da la VR sün tuot las plazzas da festa. Predsch special CHF 20.00 per creschüts CHF 10.00 per uffants (6 – 16 ons) e creschüts cun mezza taxa

Program da festa (Download)

Bigliets e viadi

«Simpel per ir e tuornar» al traget da giubileum
Cull'acziun «simpel per ir e tuornar» spordschan la Viafier retica (VR), l'AutoDaPosta Grischun ed il Bus Engiadina ün'idea attractiva pel viadi al traget da giubileum. La spüerta vala per viadis a l'intern dal chantun Grischun. Uffants culla carta da juniors/abiadis viagian perfin gratuitamaing in cumpagnia da mamma, bap, nona o bazegner!

Ch'Ella, ch'El cumpra ün bigliet pel viadi al cumün da festa giavüschà (Bever, Zuoz, Lavin o Scuol). Il retuorn dürant ils dis da festa es gratuit. L'unica cundiziun: il bigliet sto gnir buollà ad ün dals posts d'infuormaziun da la Viafier retica süllas plazzas da festa.

Bigliet da giubileum da la VR
Il bigliet da giubileum da la VR (carta dal di, 2. classa) autorisescha tants viadis sül traget da giubileum sco ch'Ella, ch'El voul. Tuot ils trens normals e specials pon gnir ütilisats. Il bigliet da giubileum es da surgnir sül traget da giubileum a las staziuns in funcziun da la VR ed als posts d'infuormaziun da la VR sün tuot las plazzas da festa.

Predsch special
CHF 20.00 per creschüts
CHF 10.00 per uffants (6 – 16 ons) e creschüts cun mezza taxa